Tur esnan cu a vacuna prome cu 8 di april por busca nan di dos vacuna riba 29 y 30 di april

ORANJESTAD - E lapso di tempo necesario entre e prome vacuna y di dos vacuna ta minimo 3 siman y maximo seis siman.

Walk-in vacuna pa 18+ desde 18 april 2021Na momento cu un persona caba di haya su prome vacuna, mesora e ta ricibi su cita pa su di dos vacuna. Teniendo na cuenta cu esunnan cu a vacuna prome cu 8 di april, e siman aki ta cumpli 3 siman, DVG ta haci un yamada na e grupo aki pa acudi riba dia 29 y 30 di april na Centro Libertador Betico Croes di 8:30 di mainta te cu 7:00 pm ‘non stop’of na Teresita Center entre 8:30- 11:30am y 1:30- 4:30 pm. Esaki ta pa nan busca nan di dos vacuna.
Tambe tin e posibilidad di ‘Walk In’ pa tur persona di 18 aña of mas.

Locual e persona mester trece ta su carchi di AZV. Esun cu ta biba na Aruba pa mas cu 6 luna y no tin un carchi di AZV, por presenta cu un paspoort como prueba di su entrada na Aruba of tambe un permiso, verguning of contract valido. ‘Rijksgenoten’ cu Nacionalidad Hulandes di mas cu 50 aña cu tin prueba di estadia na Aruba pa mas cu 3 siman, tambe ta bin na remarca pa vacuna.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options