Training pa personal di CBS a cuminsa

E personal di CBS lo haya diferente training durante e luna di september durante cual lo trata diferente aspecto di e Censo Piloto, por ehempel: definicion, proceduranan y e cuestionario digital.  E personal di CBS lo ta encarga pa guia e trabounan cu lo haci durante di e Censo Piloto pa e coleccion di dato sosode na un manera optimal. Pa e Censo Piloto lo tin 1 telcentrum cu lo ta situa na oficina di CBS mes.

E Censo Piloto lo conta cu e participacion di 75 tellers cu lo ta encarga cu e trabou di entrevista e hogarnan den e areanan selecciona. E areanan aki lo ta parti over henter Aruba p’asina e datonan colecta ta un bon representacion di Aruba completo.

Personanan cu ta interesa pa fungi como teller durante Censo 2020 por yena e formulario di inscripcion digital via e siguiente link:

http://cbs.aw/wp/index.php/2019/06/03/apply-to-be-an-interviewer-census-2020/

Si tin cualkier pregunta por haci esaki libremente na telefoon 524-7433 of via e-mail: Census2020@cbs.aw

CBS ta pidi e cooperacion di tur e hogarnan selecciona pa participa na e Censo Piloto.