Trahado cu ta biaha pa exterior entrante 15 di juni 2020

Dit item is gearchiveerd op 10-07-2020.

Trahado cu ta biaha pa exterior entrante 15 di juni 2020

Un trahado cu biaha pa exterior entrante 15 di juni 2020 pa un pais caminda tin casonan positivo di Covid-19 y na su regreso wordo obliga pa bay den cuarentena a base di articulo 7 bao punto 1A di e Ordenansa di Seguro di Malesa lo no tin derecho riba benificio pa malesa durante e periodo cu e permanece den cuarentena.

Esaki debi cu lo considera e acto sumamente negligente di e persona cu biaha pa un pais di cual ta conoci cu tin casonan positivo di COVID-19 un culpabilidad grave (grove schuld).

Articulo 7 inciso 1a di e Ordenansa di Seguro di Malesa ta stipula cu e trahado no tin derecho of ta perde e derecho riba beneficio pa malesa (ziekengeld) si e malesa ta debi na intencion (opzet) of culpabilidad grave (grove schuld) di e trahado.

Lo haci excepcion solamente pa personanan cu wordo manda exterior pa un tratamento medico cu e aprobacion di AZV. Den caso cu ta bay afo pa ricibi tratamento por tuma contacto cu nos departamento di Administracion Medico na medisch@svbaruba.org pa mas informacion.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options