Trabounan di renobacion na Ayo Rock Formation a inicia

ORANJESTAD - Dialuna 31 di mei 2021 a tuma luga un rueda di prensa pa anuncia inicio di trabounan di renobacion na Ayo Rock Formation.

Trabounan di renobacion na Ayo Rock Formation a iniciaA inicia e trabounan di renobacion cu lo conberti Parke di Ayo den un atraccion local pa nos y pa nos bishitantenan completamente renoba.

Aña pasa durante pandemia a dicidi pa concentra riba e proyecto Aruba’s Outdoor Amenity Economy c uta encera actividadnan economico creativo y recreativo nobo rond di patrimonionan natural, social y monumental di Aruba. A lanta un comision cu ta consisti di varios ministerio y e comision aki a haya e tarea pa traha riba idea y proposicionnan.

E tipo di desaroyo y actividadnan aki den ambiente pafo awendia ta recomendabel y mas saludabel pa nos comunidad y nos bishitantenan. Esaki ta e prome di e proyectonan aki. Ademas, e Parke di Ayo ta un tesoro geologico y historico di Aruba cu ta brinda oportunidad pa nos hendenan pasa dia, recrea y conoce e parti historico di e tribunan indigena cu a biba antes aki na Aruba y cu a haci uzo di e patrimonio natural y geologico di Ayo.

Trabounan di renobacion na Ayo Rock Formation a inicia.Trabounan di renobacion na Ayo Rock Formation a inicia.Fase un, dos y tres

E proyecto di renobacion den su prome fase lo encera renobacion di e cura di transhi ful rond di Ayo, renobacion di e cabañanan pa bishitante y e bañonan.

Den e di dos fase, lo wordo renoba e entrada tambe y lo crea mas luga di parkeo. E caminda di cana tambe lo bay keda renoba pa peaton y esnan den rolstoel por bin disfruta di e parke.

Trabounan di renobacion na Ayo Rock Formation a inicia.Minister Dangui Oduber y e team di ATA lo laga traha panelnan di informacion nobo. Den e di dos fase lo cuminsa cu e construccion di e Galeria di Arte y Souvenir local cu lo yama ‘Cosecha - Made in Aruba’. E lo bira manera un showcase pa benta di obranan di man, souvenir y tambe musica di nos artistanan local exclusivamente. E idea ta pa nos artesano y artistanan haya un oportunidad husto na cada un di patrimonionan cu lo renoba pa asina nan por bende nan obranan cu ta representa nos cultura.

Renobacion Ayo DOWEkipo di Minister Xiomara Maduro y e departamento di cultura lo bay tin sesionnan informativo pa motiva nos artesanonan y tur otro interesa pa inicia un carera creativo. Ta hopi tipo di souvenir por traha cu ta relaciona cu Ayo pa bende na nos bishitantenan, cada patrimonio y su tema.

E fase 3 di e proyecto lo encera plantamento di mas mata y converti e hardin den un berdadero hardin botanico di matanan original y cu ta crece na Aruba. Ayo Rock Formation lo no ta solamente un area historico pero tambe botanico asina dunando realse na e dibuhonan di petroglyph cu tin den e cueba di Ayo.

Prome Minister a expresa cu Parke di Ayo lo bira un atraccion local pa nos y pa nos bishitantenan. “Pensa con nos muchanan di scol tambe por haci bishita pa siña di nos historia indigena y di nos naturalesa. Mes momento ta expande y establece un industria artistico pa Aruba pasobra e turista lo kier cumpra souvenirnan traha na Aruba y e residentenan local tin mas luga caminda por bay cumpra productonan netamente di Aruba: arte di mozaik, pintura, joya y acesorio, bela, pronkstuk, tshirt, habon, crema. Tin hopi potencial artisitico na Aruba, y esaki ta e forma pa stimula y sostene e sector aki”

Renobacion Ayo DOW

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options