Trabou di mantencion na Bubaliplas

Dit item is gearchiveerd op 05-03-2020.

ORANJESTAD – Departamento di Obra Publico (DOW) ta informa cu desde 1 di februari 2020 DOW a cuminsa cu su plan di mantencion regular na Bubaliplas.

BubaliplasDOW ta haci mantencion regular den Bubaliplas pa varios aña caba. Mantencion regular ta consisti di kita e matanan indesea y e waterlelie cu ta crece den Bubaliplas.
E trabou di mantencion ta necesario pa mantene un bon fluho di awa y e calidad halto di awa pa Bubaliplas y proteha e flora/fauna den e plas.

Si no haci e mantencionnan aki, Bubaliplas ta bay atras y cu e consecuencia cu e flora y fauna tambe ta caba.

Den cuadro di esaki, DOW a tuma contacto cu Departamento di Naturalesa y Medio Ambiente (DNM) pa tin un bon colaboracion den e area aki. DNM ta informa cu e mantencion di Bubaliplas ta di sumo importancia pa cu e habitad. E cantidad di waterlelie a bira hopi y ta tapando gran parti di Bubaliplas causando menos pasada di luz (solo) cu ta reduci oxigeno den e awa y esey ta pone e calidad bay atras.

DOW a opta pa haci uzo di su heavy equipment pa soluciona e problema mirando e magnitud di trabou.

Pa futuro mantencion DOW lo explora otro tipo di equipo,  por ehempel Everglades swamp boats.

Duracion di e mantencion akinan lo ta 4 weekend. DOW ta pidi pueblo su comprension pa e trabou necesario aki.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options