Tin mas fondo disponibel pa micro credito na interes reduci

ORANJESTAD – Recientemente Minister di Finansa, Asunto Economico y Cultura mr. Xiomara Maduro a reuni cu e CEO di Qredits Hulanda sr. Elwin Groenevelt y sr. Oliver Vieira di Qredits Aruba.

Recientemente Minister di Finansa, Asunto Economico y Cultura mr. Xiomara Maduro a reuni cu e CEO di Qredits Hulanda Sr. Elwin Groenevelt y Sr. Oliver Vieira di Qredits Aruba. Minister di Finansa, Asunto Economico y Cultura mr. Xiomara Maduro Minister Maduro a gradici Qredits pa nan yudansa pa brinda micro credito na interes reduci na mas di 100 compania chikito y mediano na Aruba pa asina nan por a enfrenta y surpasa e efectonan di e pandemia. Sr Groeneveldt a informa cu Qredits a bolbe pone un suma disponibel pa asina por sigui brinda fiansa na interes reduci pa sigui yuda e companianan chikito y mediano. Banda di esaki e ehecutivonan di Qredits a splica riba e bunita proyecto 'BeYourOwnBoss' na unda hobennan di EPI lo wordo prepara pa bira futuro 'entrepreneurs' di nos Pais.

CEO di Qredits Aruba, Sr. Oliver Vieira CEO di Qredits Hulanda Sr. Elwin GroeneveltE programa a cuminsa riba 1 di februari, 2021 y tin duracion di 18 siman. Un total di 100 studiante di e sector Hospitalidad y Turismo na EPI ta e promer grupo cu ta participa y lo keda certifica. Lo incorpora e programa di educacion acredita aki den e curiculo existente na e sector. Ya caba a incorpora e programa aki den e curiculo di mas di 100 scol na nivel MBO na Hulanda. E compromiso di Colegio EPI ta pa den e añanan cu ta bin pa sigui incorpora e certificacion aki den e curiculo di programanan existente y nobo pa tur studiante.

Colegio EPI y Qredits Microfinanciering Nederland (Aruba) ta presenta e programa di educacion BeYourOwnBossTambe lo ofrece e programa 'BeYourOwnBoss' na publico general y lo cuminsa e di dos siman di februari 2021 cu un sesion di introduccion. Les mes lo cuminsa oficialmente e siman di februari 15 y lo caba na final di juni. Lo presenta e programa di educacion na e idioma Ingles y lo organisa e lesnan dos biaha pa siman di 6:30 – 9:00 p.m. na Colegio EPI den un forma di educacion combina tanto físicamente como virtual. E costo di henter e programa ta Afls. 350,-

Inscripcion pa publico ya caba ta habri pero limita. Pa inscribi y mas informacion por bishita e pagina di Facebook di Colegio EPI of di Qredits Microfinanciering Nederland (Aruba) uza e siguiente link: https://bit.ly/2KJr5ck.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options