Tin hopi interes den e procedura pa operador y inversionista nobo pa refeneria

Dit item is gearchiveerd op 02-08-2020.

ORANJESTAD - Premier Evelyn Wever-Croes durante e conferencia di prensa semanal di Gobierno di Aruba a duna detayenan riba e situacion pa cu e refineria di Aruba.

Solicitud pa Expresion di Interes (REOI na Ingles) en cuanto operacion di e Refineria di Aruba y e desaroyonan industrial nobo.Segun Premier Wever-Croes e interes pa cu e refineria y e desaroyo alternativo cu Gobierno ta buscando ta hopi halto. E procedura di screening pa e tankinan a finalisa y awor Refineria di Aruba (RdA) ta den proceso di negociacion cu e companianan pa huur e tankinan. Den total awor tin 10 tanki cu ta den bon estado pa verhuur.

Algun siman pasa, 8 di juni, Gobierno a publica e Request for Expression of Interest (REOI 1) cu ta operacion di e Refineria di Aruba y e desaroyonan industrial nobo (REOI 2) destinacion nobo di e Refineria di Aruba. Pa e REOI 1 tawata tin interes grandi ya cu varios interesado ta sigui e procedura transparente y na manera digital y ta tuma contacto cu RdA pa haya informacion. Varios a entrega nan Expresion di Interes caba pa e refineria cerca notario. E deadline ta dia 17 di juli, y ta spera cu den e ultimo dianan mas interesado lo entrega oferta.

Recien por a nota den medionan di comunicacion cu un compania renombra mexicano lo a expresa su interes den e refineria. Prome Minister a indica cu e no por confirma esaki pasobra e mes no ta envolvi, pero Prome Minister a expresa cu esaki ta un bon señal si, cu companianan renombra ta interesa den nos refineria.

Solicitud pa Expresion di Interes (REOI na Ingles) en cuanto destinacion nobo di e Refineria di Aruba.Pa un compania cu kier expresa su interes manera ta publica den e REOI nan, e mester haci esaki via di RdA y despues via un notario. Esaki ta basa riba reglanan internacional di World Trade Organization. Minister President mes no tin un rol eyden pa asina garantisa e integridad di e proceso. Solamente esnan cu aplica via e procedura indica, por bin na remarke. Si toch interesadonan reacciona a traves di oficina di Minister President, e interesado lo wordo informa pa aplica a traves di e procedura indica.

Pa e REOI 2, mester remarca cu tin hopi interes tambe cual interes tampoco ta conoci pa Premier Wever-Croes, pasobra e no ta envolvi den esaki tampoco. Dia 17 di juli e periodo ta cera y e ora ta cuminsa e evaluacion di e proyectonan.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options