Test pa COVID unicamente ora cu tin sintoma

ORANJESTAD – Departamento di Salud Publico (DVG) a tuma nota cu den e dianan cu a pasa hopi persona cu no tin sintoma ta core bay test sea pasobra nan ta den cuarentena of tawata tin un contacto positivo.

DVG na mas cu un ocasion a splica ampliamente cu no ta conseha test sin sintoma pa haci. Si e persona no tin suficiente virus den su sistema e test lo sali negativo mientras cu porta algun dia despues sintomanan ta cuminsa y e persona mester bolbe test.

Sintoma COVID-19E PCR test cu ta haci na laboratorio di hospital no ta gratis, AZV e ta cubri pa y ta na interes di nos fondo di seguro AZV pa haci bon uzo di cada COVID test.

Un bes mas e suplica ta bay na comunidad, si bo persona ta den cuarentena of tawata tin contacto cu un persona positivo esaki no ta motibo pa solicita pa test. Unicamente na momento cu bo tin sintoma of si bo self test a sali positivo ta pidi bo pa haci un PCR na Laboratorio di hospital.

E sintomanan cu un persona contagia cu COVID por experencia ta:

  • Keintura;
  • dolor di cabez;
  • dolor di weso;
  • cansancio;
  • dolor di garganta;
  • tos;
  • perdida di holor y smaak;
  • nanishi ta core.

Si bo ta presenta mas cu un di e sintomanan aki yama bo dokter di cas pa por haci un test of solicita e COVID test via https://covid19test.healthapp.aw/

COVID-19 test

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options