Tercer siman di Lantamento di Mucha

ORANJESTAD - Riba 16 di november 2020 Minister di Asunto Social y Labor, Sr. Glenbert Croes a inaugura e di tercer “Siman di Lantamento di Mucha” na Aruba.

Asina a duna inicio na un siman importante pa loke ta e bienestar di muchanan y hobennan di Aruba. 

Logo Fundacion Pa Nos MuchananMinister di Asunto Social y Labor durante Siman di Lantamento di MuchaBienestar di nos muchanan ta prioridad di maneho di gobierno y muy en especial di Ministerio di Asuntonan Social y Labor. Conscientisacion y educacion tocante lantamento di nos yiunan sigur ta un parti importante di e maneho aki.

Aruba hunto cu e demas islanan den Caribe Hulandes ta forma parti di e Taskforce di Derechonan di Mucha den Reino Hulandes. E Taskforce aki tin e tarea pa atende topiconan importante pa e islanan den un forma colectivo.

Un di e temanan cu sigur kier promove ta e bienestar di nos muchanan riba tur e islanan enfokando riba Lantamento di Mucha den un ambiente di siguridad, amor y cariño. Pa es motibo aki a lanta e “Comision Pedagogico” cu ta encarga pa realisa e Vision Pedagogico di Aruba.

E iLogo Stichting Wit Gele Kruisnstancianan cu ta forma parti di e “Comision Vision Pedagogico Aruba” ta:

  • Tienda di Educacion
  • Fundacion Respeta Mi
  • Fundacion Pa Nos Muchanan
  • Stichting Wit Gele Kruis
  • Departamento di Asunto Social.

Logo Tienda di EducacionBanda di e comision pedagogico, tin un plataforma grandi di organisacionnan cu ta sostene e trabou y e vision pedagogico.

Asina desde 2018 Aruba, mescos cu e otro paisnan den Reino Hulandes, a cuminsa pone extra atencion riba e tema di lantamento di mucha pa medio di e “Siman di Lantamento di Mucha”, loke nan ta yama “Opvoedweek” na Hulanda.

Gobierno a scohe e siman aki, door cu e ta inclui e fecha 20 di november cu ta “Dia Internacional di Derecho di Mucha”.

Logo Fundacion Respeta MiE “Siman di Lantamento di Mucha” ta continua te cu 25 di november, unda e enfoke di e aña aki ta ariba e mayornan. Lo presenta dos curso interesante cu lo ser ofreci aki mes na e Centro pa Hoben y Famia. Esaki lo continua durante weekend cu diferente actividadnan cu e enfoke ariba nos muchanan, hobennan y nan famia. Otro siman lo continua cu e Conferencia di e Taskforce di Reino Hulandes riba temanan interesante pa e profesionalnan den veld.

Logo Departamento di Asunto SocialUn gradicimento na tur miembronan di “Comision Vision Pedagogico Aruba”, demas partners y instancianan cu ta organisa e diferente sesionnan durante e bunita siman aki. Un gradicimento tambe na Sociaal Crisis Plan cu ta sostene “Comision Vision Pedagogico Aruba”.

Minister Croes ta enfatisa e importancia di nos muchanan y famianan ya cu nan ta fundeshi di nos comunidad y ta desea tur participante un exitoso Siman di Lantamento di Mucha.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options