HomeActualidadNoticiaTemporada di yobida tin su peliger pa salud publico

Temporada di yobida tin su peliger pa salud publico

Dit item is gearchiveerd op 20-08-2022.

ORANJESTAD – Departamento di Salud Publico ta recorda comunidad pa elimina awa cu ta keda para despues di cada yobida pa evita cu Aruba por enfrenta un brote di e malesanan aki manera den pasado.

Tur aña di nobo for di luna di juli pa december nos conoce como lunanan di yobida. Pa algun esaki ta un bendicion, pa salud publico esaki por ta un peliger.

SanguraYobida ta nifica posibilidad pa sangura broei y ocasiona brote di malesanan transmiti pa sangura manera Dengue, Chikungunya y Zika. Sangura mester awa pa por pone su webonan. Si cada persona percura pa rond di su cas no tin awa para, hunto nos por mantene e cantidad di sanguranan rond di nos isla abou y asina reduci e cantidad di malesanan transmiti pa sangura manera Dengue, Chikungunya y Zika.

Si bo persona ta sinti hopi molester di sangura, GKMB ta conseha pa haci un bon inspeccion rond di cas y elimina tur awa para. Si despues di haci inspeccion ainda e molester ta continua, por yama GKMB pa informa y nos servicio lo inspecciona e vesindario.

Pa mas informacion tuma contacto cu GKMB na 5855533, sigui nos riba Facebook Directie Volksgezondheid DVG Aruba of mail nos na servicio@dvg.aw.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options