Temporada di yobida tin su peliger pa salud publico

ORANJESTAD  - Departamento di Salud Public ta informa pueblo tocante e peligernan di temporada di yobida pa salud publico.

Tur aña di nobo for di luna di juli pa december nos conoce como lunanan di yobida. Pa algun esaki ta un bendicion, pa salud publico esaki por ta un peliger.

Awa den potchie mata – Criadero di sanguraAwa den bari – Criadero di sanguraYobida ta nifica posibilidad pa sangura broei y ocasiona brote di e malesanan,  manera Dengue, Chikungunya y Zika. Pa evita cu Aruba por enfrenta un brote di e malesanan aki atrobe, ta importante pa comunidad completo pone atencion y elimina awa cu ta keda para despues di cada yobida.

Sangura mester awa pa por pone su webonan. Si cada persona percura pa rond di su cas no tin awa para, hunto nos por mantene e cantidad di sanguranan abou y asina reduci e cantidad di malesanan di Dengue, Chikungunya y Zika.

Awa den taira – Criadero di sanguraPa mas informacion y conseho con pa mantene bo espacio liber di sangura por tuma contacto cu Departamento di Gele Koorts en Muskietenbestrijding (GKMB) na tel . 5855533. Si bo persona ta sinti hopi molester di sangura, GKMB ta conseha pa haci un bon inspeccion rond di cas pa elimina tur awa para. Si despues di haci inspeccion ainda e molester ta continua, por yama GKMB pa informa y nos lo inspecciona e vecindario.

AD Departamento di Salud Publico – Prevencion malesa causa door di sangura

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options