Temporada di campa Semana Santa 2019

Formulario pa pidi permiso pa kampeer ta obtenibel na tur warda di Polis desde dialuna 8 januari 2019 te cu diabierna 29 maart 2019 entre 08.00 pa 11.30’or y 13.00 pa 16.30’or.

Na e permiso tin  condicionnan extra mara compara cu añanan anterior.

1. Ariba e santo blanco di e beachnan bao ningun circunstancia ta wordo permiti pa haci B.B.Q., na otro parti solamente por haci B.B.Q. cu B.B.Q. pit di gas.
2. Tentnan y trailernan cu ta uza pa campa mester ta den bon condicion. Mester  pone nan a lo menos 10 meter di e oriya di lama y nan mester pone nan a lo menos 5 meter for di e caminda publico. Si no polis ta kita nan.
3. Bou ningun forma ta permiti pa reserva tereno pa kampeer.
4. Tentnan, trailernan y otro obhetonan cu ta uza pa campa no por pone nan riba otro luganan cu ta e luganan cu ta destina pa esakinan y cual luganan ta destina pa Gobierno.
5. Den tentnan/trailernan mester tin suficiente recurso pa loke ta trata dunamento di prome auxilio. (E.H.B.O.)
6. Ta prohibi pa pone na tentnan/trailernan obhetonan of plachinan cu no ta cuadra cu moralidad.
7. E campamento mester sosode conforme e condicionnan bou di cual e permiso ta otorga.
8. Ta prohibi di core cu vehiculonan di motor, bicicleta, cabay y garoshi riba nos beachnan y principalmente na luganan caminda ta destina pa publico.
9. Ta prohibi di pega candela riba nos beachnan.
10. Ta prohibi di bende cuminda, softdrinks, mixed drinks, of cualkier otro tipo di articulo riba beach sin permiso.
11. Por toca musica solamente for di den trailer of tent den siman te 10.00 p.m y den fin di siman te 12.00 p.m. y di tal manera cu no ta  molestia otro campadonan. E uzo di sound system/amplifiers etc. ta permiti solamente si otro campadonan no ta sinti molester di esaki.
12. Ta prohibi pa kap mata sin permiso.
13. Ta prohibi pa core cu boto y pa ancra den zona di landa (zwemzone), tambe ta prohibi pa mara boto na boeinan cu ta destina pa nabegacion.
14. Ta prohibi e uzo di pallet y carton riba beach, sino nan ta wordo kita door di polis.
15. Ta prohibi pa uza e beach of e palo di coconan como toilet.
16. Ta prohibi pa tin cabay y cacho riba beach.
17. Ta prohibi pa e campadonan uza e hutnan pa nan campa, tin cu laga nan liber pa e personanan cu ta bin pasa dia.
18. Bou ningun circunstancia mag di susha e beachnan. Boternan kibra, splinter di glasnan no mag di laga atras riba beach, ni tampoco tira esakinan den lama. Esaki ta conta pa sushi tambe.
19. No mag di pasa epermiso pa otro persona.
20. E poseedo di e permiso mester tin esaki completo den su tent/trailer na un caminda visibel pa polis.
21. E poseedo di e permiso mester tene cuenta cu e tin solamente derecho riba e luga di campa durante e tempo cu efectivamente e ta campa, prome cu esaki bo no mag di reserva, marca, pone cabuya etc.
22. E poseedo di permiso ta keda responsabel pa cualkier daño na otronan debi na existencia di su tentnan/trailer of otro obheto.
23. Mester sigui estrictamente indicacionnan di Polis duna na interes di ordo publico y siguridad di persona, bienes y basa riba moralidad.
24. Ta prohibi pa uza e hutnan pa campa, nan ta keda liber pa e usuarionan den dia.
25. Esun cu no actua conforme e condicionan bou di cual a otorga e permiso ta considera di a actua sin permiso. Ta revoca e permiso e ora ey y bo por haya proces verbaal.