Tayer pa maestro di scol

Tayernan ta pa docentenan cu a registra pa haya un bishita di un autor of ilustrador den siman di 5 pa 9 di november. Sra. Angelique Maduro di Deptartamento di  Enseñansa y drs. Mirto Lacle. Lo duna e tayernan.

Esaki ta den cuadro di Festival di buki pa mucha. Tur aña biblioteca ta prepara maestronan pa involvi muchanan di scol mas tanto cu ta posibel den programa di e festival y stimula lesamento. Durante e workshop e maestronan ta ricibi diferente lespakket cu nan por usa den klas. Otro temanan ta informacion di e festival y bukinan cu por lesa den klas.

Festival di Buki pa Mucha 2018 tin como tema ‘Amistad’ y e lema ta ‘Amistad! Ban traha storia hunto...’ Esaki ta biblioteca su gran proyecto anual pa stimula muchanan na Aruba pa lesa mas. E regalo di e festival di buki pa mucha ta un compilacion di 15 storia di diferente escritor local, di Caribe y di Hulanda. Artista Vanessa Paulina a ilustra e buki pa mucha.