Ta prohibi bende producto di tabaco na menor di 21 aña

Ta importante pa comercio tuma bon nota di e ley aki, specialmente supermercado y minimarket cu ta bende producto di tabaco. Na momento cu un ambtenaar encarga cu supervicion di e ley ‘Landsverordening Beperking Tabaksproducten’ constata infraccion contra e ley aki, e comerciante lo ricibi un multa pa violacion di e ley.

Den e dianan nos dilanti, lo informa comercio y comunidad mas riba cada aspecto di e ley;

• No ta permiti benta di sigaria of cualkier producto cu ta contene tabaco na menor di 21 aña;
• benta di sigaria los no ta permiti mas, mester bendie sigaria den su envoltura cera y seya;
• huma den lugar publico no ta permiti cu excepcion di establecimento cu tin permiso pa un espacio asigna pa huma;
• dunado di trabao ta responsabel pa proteha empleadonan for di huma di sigaria durante ora di trabao y riba tereno di trabao;
• ta prohibi pa menor di edad traha den negoshi cu ta bende producto di tabaco.
• si ta un market, ta prohibi pa menor di edad traha den e area aparta pa bende producto di tabaco.
• ta prohibi pa parti productonan di tabaco gratis
• ta prohibi pa huma den transporte priva ora cu tin menor di edad den auto.
• ta prohibi pa huma den transporte publico
• ta prohibi pa bende of duna producto di tabaco den:
  • Edificio gubernamental;
  • facilidad medico;
  • facilidad di cultura y arte;
  • facilidad deportivo;
  • facilidad educativo.

Pa mas informacion like Directie Volksgezondheid DVG Aruba riba Facebook,

Follow directie_volksgezondheid_aruba riba instagram, bishita www.dvg.aw, yama 5224200 of manda email na servicio@dvg.aw.