Ta lansa e concurso di pinta y kleur relaciona cu “ley di cacho”

ORANJESTAD - E aña aki ta di cuater aña consecutivo cu ta organisa un concurso caminda a traves di nan pintura muchanan ta expresa y siña tocante Aruba su Ley di Cacho.

E aña aki, minister di Husticia y Asuntonan Social Rocco Tjon, ta presenta e concurso di pinta y kleur 2022 na comunidad di Aruba, riba 26 di augustus, Dia Internacional di Cacho.

E formulario di participacion ta consisti di tres pagina:

  • Pagina uno di e formulario ta e pagina di instruccion y ta contene e informacion necesario pa por participa;
  • pagina dos ta contene e plachi cu e muchanan mester kleur segun nan propio imaginacion;
  • pagina tres ta designa pa e participantenan por demostra nan creatividad cu nan arte.

Esaki mester ta original y e borchi di trafico mester ilustra un of mas di e puntonan di nos Ley di Cacho. E muchanan mes mester pinta ambos pagina na color y sin ayudo di nan mayor.

E meta di e concurso di pinta y kleur “Ley di Cacho” 2022 ta pa sigui conscientisa comunidad, specialmente nos muchanan, tocante e cuido debido di nan mascota.  

E fecha final pa entrega e formulario di participacion ta dia 22 di september 2022, y lo tin un regalito pa e ganadonan di cada klas, cual lo entrega dia 4 di october 2022, Dierendag. Participacion ta gratis y ta habri pa tur muchanan di scol primario y scol basico (1e kleuter – 6e klas). Scolnan a ricibi e formulario completo caba via email pa nan mes por distribui esaki bou nan alumnonan. En caso cu no a ricibi e formulario di participacion na scol, por download esaki a traves di e pagina www.specialprojectsaruba.org tambe; tene cuenta cu mester entrega tur dos pagina di tarea pa por participa.

Minister Rocco Tjon ta invita henter comunidad di Aruba pa stimula tur nos muchanan pa nan participa cu nan talento na e concurso di pinta y kleur 2022 pa asina un bes mas, e concurso aki por ta uno exitoso.

Concurso di pintamento “Stima bo Cacho” 2022.     Concurso di pintamento “Stima bo Cacho” 2022.     Concurso di pintamento “Stima bo Cacho” 2022.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options