Ta introduci zonanan cu meter di parkeer den Oranjestad entrante 7 di september 2015

Cualkier persona cu haci uzo di un luga di staciona mester tuma un ticket. E balor ta AWG. 2.00 pa e prome ora, of un parti di esaki. Cada siguiente ora cu pasa ta costa AWG. 2.00. Ken cu ta cu staciona den e area di parkeer contra pago y cu no a paga ta haya un wiel klem na final di 15 minuut.

Despues di 3 ora lo laga tow e vehiculo pa e tereno di ARUBUS na Seroe Blanco. Pa e towmento lo cobra AWG. 150.00 y pa e wardamento y eventual entrega di e vehiculo ta cobra AWG 25.00.

Por aplica pa un permiso pa staciona  na balor di AWG. 75.00 si bo ta traha na Oranjestad. Pasa libremente na oficina di Arupark na Wilhelminastraat # 13. E orario ta di dialuna pa diasabra di 7 ‘or di mainta te cu 7 ‘or di anochi.

Kico mester trece?:

• Copia di bo number di auto;
• Karchi di empleado;
• Papel di AWG 5.00 di Censo;
• Un ID valido.

Mas informacion ta obtenibel via e Gaceta Oficial tocante parkeer contra pago:

• AB2015No. 42 regeling parkeer tarieven;
• AB2015No. 43 areglo di towmento.