HomeActualidadNoticiaTa extende e termino di pago di tarifa excepcional di 15% riba e pago di terminacion di pensioen (afkoop pensioen)

Ta extende e termino di pago di tarifa excepcional di 15% riba e pago di terminacion di pensioen (afkoop pensioen)

ORANJESTAD – Departamento di Impuesto ta informa cu e termino di pago di tarifa excepcional di 15% (bijzonder tarief) riba e pago di terminacion di pensioen ta keda extendi.

E tarifa excepcional di 15% ta valido riba e pago di terminacion di pensioen di 1 di januari 2023 te cu 31 di december 2023. E fecha final pa haci uzo di e prolongacion di termino ta 31 di december 2023. A formalisa e cambio di e termino den e Decreto Ministerial emiti dia 21 di december 2022 cu registro 2022 no.161.   

Departamento di Impuesto ta pidi tur contribuyentenan pa tuma bon nota di e participacion aki.

Edificio DIMP

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options