Ta extende e fecha final pa entrega e formulario di declaracion di inkomstenbelasting 2019

ORANJESTAD – Departamento di Impuesto ta participa cu e fecha final pa entrega e formulario di declaracion di inkomstenbelasting 2019 a wordo extendi.

Edificio Departmanto di ImpuestoE fecha final pa e contribuyentenan cu kier haci uzo di e extension ta 26 di februari 2021. No tin mester di haci un peticion oficial pa haci uzo di e extension (“uitstel”).

Obligacion legal

Yena y entrega e formulario ta un obligacion legal. Door di yena y entrega e formulario na tempo, e cliente ta evita cu e ta haya un cobransa (taxativo) cu boet.

Ademas pa medio di e declaracion, e cliente ta haya e oportunidad pa haci uzo di su derecho di deduci su gastonan.

Ta importante pa menciona cu despues di e fecha aki no lo tin mas extension. Departamento di Impuesto ta spera cu contribuyentenan por haci bon uzo di e extension pa obtene e documentonan necesario pa yena y entrega dicho formulario conforme e fecha final.

Extension fecha final pa entrega e formulario di declaracion di inkomstenbelasting 2019 te cu 26 februari 2021.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options