HomeActualidadNoticiaTa controla si negoshinan ta cumpliendo cu leynan di Labor y Admision

Ta controla si negoshinan ta cumpliendo cu leynan di Labor y Admision

Dit item is gearchiveerd op 01-08-2015.

ORANJESTAD – Un team multi-diciplinario, consistiendo di funcionarionan di GNC, DAO y DIMAS, ta bishitando negoshinan pa controla si e dunado di trabou ta cumpliendo cu nos leynan di Labor y Admision.

E team a bin constata cu tin varios dunado di trabou cu no ta cumpliendo debidamente cu e leynan di Labor y/o ley di Admision. Ora constata un infraccion e team ta skirbi un rapport di e infraccionnan cometi. Consecuentemente e negoshinan ta haya un carta pidiendo pa nan pa splica di con no ta cumpliendo cu e leynan prescribi.

Tin sancionnan pa incumplimento. Sancionnan ta varia di deportacion di e empleado indocumenta te cu un multa administrativo pa e dunado di trabou. E multa ta un maximo di AWG 1.000,00 pa un ‘eenmanzaak’ y un maximo di AWG 25.000,00 pa un ‘N.V.’ pa cada infraccion. E suma ta depende tambe di cuanto infraccion a constata y si ta prome biaha o no.

E team ta sigui cu e controlnan.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options