Ta bay fortifica Departamento di Finansa y Centrale Accountantsdienst conforme e Cuadro di Accion pa implementa tema A di e Landspakket

ORANJESTAD - Den aña 2022 a tuma luga un investigacion den cuadro di e Landspakket tema A pa mehoracion di e columna financiero di Pais Aruba.

Basa riba e resultado di e investigacion a traha un Cuadro di Accion ('roadmap') cu puntonan di mehoracion na Departamento di Finansa y Centrale Accountantsdienst cu lo mester resulta den un 'goedkeurende verklaring' den aña 2026 pa e Cuenta Anual di Pais Aruba.

Minister di Finansa Xiomara Maduro ta reuni cu e directornan di Departamento di Finansa y Centrale Acountantsdienst.Den cuadro di implentacion di e puntonan di accion den e 'roadmap,' Minister di Finansa Xiomara Maduro a habri aña ta reuni cu e directornan di Departamento di Finansa y Centrale Acountantsdienst pa asina por haya un bista di locual ta necesario pa por cumpli cu e 'roadmap.' Pa Aruba por conta cu un Cuenta Anual controlabel na aña 2026, e dos departamentonan gubernamental aki lo mester ta miho ekipa pa asina e trabounan necesario por tuma luga pa por cera e ciclo presupuestario di nos Pais cu un Cuenta Anual controla y aproba pa Parlamento di Aruba.

A informa e mandatario cu cada departamento lo mester busca algun personal nobo den aña 2023 y 2024 pa fortifica e departamentonan aki y agilisa e proceso pa por produci e informacion financiero cu ta necesario pa compila y controla e cuentanan anual di Pais Aruba. Pa e motibo aki  informa cu pronto lo bay habri solicitud pa asina por fortifica ambos departamento cu personal financiero cualifica.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options