Supernova Girls STEM Experience a conta cu 125 participante

ORANJESTAD – Recientemente, Aruba Futura Foundation, den colaboracion cu 'Makerpedia', a organisa un evento como parti di e proyecto 'Supernova'.

Evento “Girls STEM Experience” di e proyecto 'Supernova'.Evento “Girls STEM Experience” di e proyecto 'Supernova'.E evento titula “Girls STEM Experience” tin e meta pa stimula interes y introduci, den un manera innovativo, mucha muhenan entre 6 – 9 aña na e sectornan y temanan di Ciencia, Tecnologia, Engineria y Matematica (STEM). A converti Futura Spaces unda cu a separa e localidad den 4 camber cu 4 diferente experiencia, cada camber representando un sector di STEM. E muchanan muhe hoben por a participa den diferente workshops, reto , y wega cu a tuma luga riba 18 di juni 2022. Tambe nan tabata tin e oportunidad pa explora nan imaginacion den e sectornan aki siñando topico- y abilidadnan nobo den un manera educativo y interactivo. E evento aki tabata gratis y a conta cu un total di mas di 125 participante.

Den cada camber, representando cada topico di STEM, tabata tin un profesional femenino cu a duna un workshop. Den e experiencia di 'Ciencia', presenta pa Elena Duduk, docente di Cienca na International School of Aruba, e muchanan muhe por a haci uzo di Microscop. Nan a haci observacionnan uzando un variedad di material y organismo "bibo" y "no bibo". Adicionalmente nan a haya e oportunidad pa completa un experimento trahando cu organismonan cu ta sobrevivi den awa, manera 'plankton'.

Evento “Girls STEM Experience” di e proyecto 'Supernova'.Evento “Girls STEM Experience” di e proyecto 'Supernova'.Siguientemente, Richelle Chirino - un STEM enthusiast - a prepara un experiencia di Matematica caminda muchanan muhe a uza LEGO. Tambe a traha obhetonan uzando e arte di origami, y asina splicando cu den mayoria actividad den bo bida diario bo ta haci uzo di Matematica.

Den e camber di ingenieria, Tess Montenarello di 'Makerpedia' a mustra e muchanan muhe con pa traha un wega di arcade uzando materialnan recicla, manera carton, plastic, cahanan di diferente material, etc.

Finalmente, den e ultimo camber Christie Mettes di Metabolic Foundation a presenta e experiencia di Tecnologia unda cu participantenan a siña con pa uza obhetonan di uzo diario (por ehempel fruta y berduranan) pa hunga weganan riba computer por medio di 'conductivity'. Tambe e participantenan a siña e arte di fabricacion digital, unda cu a diseña artefactonan, y siña mas di e oportunidadnan y posibilidadnan di 3D printing.

Evento “Girls STEM Experience” di e proyecto 'Supernova'.Evento “Girls STEM Experience” di e proyecto 'Supernova'.Supernova ta un studio experimental pa mucha muhe y hende muhe unda cu e meta principal ta pa ser femeninonan bini hunto y intercambia ideanan, colabora, inspira otro, y siña habilidadnan nobo. SuperNova ta contribui   y stimula Igualdad di Genero cu ta meta number 5 di SDG's, cu ta e Sustainable Development Goals di Nacionnan Uni, y ta percura pa e ser femenino no keda atras.

Futura ta sigui organisa diferente evento y workshop pa mucha- y hendenan muhe di tur edad durante e aña. Pa mas informacion of pa keda up to date riba desaroyonan rond di e proyecto, bishita nan pagina di Facebook y instagram @arubafutura. Adicionalmente, si bo ta desea di colabora cu Futura riba cualkier proyecto, contact nan libremente na: hello@futuralab.org.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options