Supermercado, tiendanan y tur otro instancia mester repasa nan protocol pa cumpli cu reglanan

Dit item is gearchiveerd op 06-08-2020.

ORANJESTAD – Awor cu Aruba ta habriendo su frontera gradualmente pa turista, ta hopi importante pa nos como comunidad cuminsa aplica loke nos a siña tocante e COVID-19 medidanan di proteccion.

Pa mas cu 3 luna largo Gobierno di Aruba y Departamento di Salud Publico (DVG) a informa y educa comunidad henter encuanto e medida di proteccion pa preveni contra e virus di COVID-19.

E medidanan ta encera entro otro:

  • mantencion di distancia di 1.5 meter for di otro persona;
  • labamento di man frecuentemente cu awa y habon;
  • evita aglomeracion di hende;
  • y si bo ta malo cu sintoma keda cas y tuma contacto cu bo dokter di cas.

E periodo di test a pasa y awor a yega e Realidad Nobo pa aplica e Normal Nobo. E normal unda cada uno di nos como individuo ta responsabel pa aplica e medidanan di proteccion si nos kier proteha nos mes y nos famia di COVID-19. Cu habrimento di nos frontera, gobierno a percura pa un bon screening y conrtrol na nos Aeropuerto, sinembargo apesar di e control aki nos mester ta consciente cu un mimimo di e casonan por logra pasa toch. Esaki pa motibo cu tin un periodo di incubacion di 2 siman cual ta haci cu un persona no tin suficiente virus ainda ta dificil pa e wordo detecta y test positivo. Pesey e reglanan di comportacion y medidanan di proteccion tey.


Pa cumpli cu e medidanan aki DVG a traha diferente protocol pa diferente sector, pa asina yuda haci e medidanan di prevencion mas comprendibel, practico y visibel. E protocolnan ta regla cu na entrada di cada localidad of establecimento mester tin handsanitizer accesibel pa e cliente, e establecimento mester tin señalnan di indicacion den forma di linea/ flecha riba vloer of borchi pa regula e distanciamento entre clientenan. DVG ta urgi tur establecimento, localidad, organisacion y sector pa repasa un biaha mas e protocol cu ta conta pa nan y controla boso espacio si boso ta cumpliendo cu e medidanan y si tur material di indicacion tey y ta visibel ainda. Si esaki no ta e caso, mester renoba esakinan y percura pa cumpli cu reglanan di e protocol.

Nos suplica ta na comunidad completo, si bo ta aplicando e medidanan di proteccion, SIGUI haci esaki cu disciplina. Na esnan cu e ultimo tempo a descuida y no ta aplicando esakinan mas, e momento a yega pa cuminsa aplica esakinan atrobe.

  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options