HomeActualidadNoticiaStart di Agri Business Academy

Start di Agri Business Academy

Dit item is gearchiveerd op 13-01-2023.

ORANJESTAD - Minister di Asuntonan Economico, Comunicacion y Desaroyo Sostenibel, mr. Geoffrey Wever hunto cu Minister di Transporte, Integridad, Naturalesa y Asuntonan di Adulto Mayor Ursell Arends y Qredits Aruba ta anuncia start di Agri Business Academy.

Minister di Asuntonan Economico, Comunicacion y Desaroyo Sostenibel, mr. Geoffrey Wever hunto cu Minister di Transporte, Integridad, Naturalesa y Asuntonan di Adulto Mayor Ursell Arends y representantenan di Qredits Aruba ta anuncia start di Agri Business Academy.Meta di e Agri Business Academy ta pa yuda (futuro) empresarionan yega na nan meta door di ofrece nan e tools necesario pa cuminsa of sigui opera un negoshi exitosamente den e sector di agricultura. 

Hunto cu Qredits Aruba lo ofrece un programa personalisa pa e sector di agricultura, cu un duracion di 12-14 siman, cu ta brinda e materialnan esencial pa crea bo propio plan di negoshi y plan financiero. 

Pandemia a demostra cu nos empresarionan den e sector di agricultura por produci productonan di calidad pa mercado local, na mesun momento e sector aki tin retonan, entre otro e habilidad pa maneha un negoshi di agricultura y pa e motibo aki gobierno a partner up pa ofrece e Agri Business Academy na e sector aki.

Di e forma aki gobierno ta traha activamente cu sector priva pa diversifica nos economia, creando asina cuponan di trabao nobo, entrada pa gobierno y haci Aruba menos dependiente di influencia internacional segun Minister Wever.

Pa participa por registra via e QR- code riba e flyer.

Agri Business Academy

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options