Splicacion cortico di e cinco (5) proyectonan di innovacion pa 2020

Dit item is gearchiveerd op 01-03-2020.

ORANJESTAD – Recientemente FUTURA a anuncia e 2020 Innovation Agenda na unda cu Prome Minister a comparti e cinco (5) proyectonan di prioridad strategico cu lo cuminsa e aña aki den cuadro di Aña di Innovacion y Enseñansa.

Ad Cinco proyecto di innovacion

Siguientemente ta sigui un splicacion cortico di loke e cinco (5) proyectonan di innovacion 2020 aki ta encera:

1. eGovernment

e proceso di eGovernment a cuminsa na 2018 y hunto cu e eGovernment Academy di Estonia, ta finalisando e eGovernment Road Map cu lo publica dentro di poco ora cu e fase di consultacion cu stakeholders termina. Ya caba nos a drenta den e fase di implementacion. Lo percura pa e aña aki, mas intercambio di dato lo tuma luga entre Departamentonan di Gobierno na un manera sigur, facil, y instantaneo, y tambe Gobierno lo por brinda mas servicio 'online'. Esaki lo mehora calidad di bida di e ciudadano, cu na final di dia ta e meta principal.

2. 100 Innovations

E siguiente prioridad ta e proyecto “100 Innovations”. E proyecto aki lo ta un competencia cu ta habri pa tur ciudadano di nos isla. E meta ta pa encurasha tur hende pa trece dilanti ideanan nobo, of ideanan existente, cu e meta pa logra 100 idea innovativo y aplicabel pa soluciona e retonan cu nos ta enfrentando como pais pa fin di 2020.

3. B-Lab Santa Cruz

E Lab aki lo ta e prome Lab di e tipo aki na Aruba y e focus lo ta riba ‘Bio-Tech’ y Agricultura. Lo aplica y prueba, sciencia y tecnologianan nobo pa bin cu solucionnan riba e tereno aki, cu ta di sumo importancia pa Aruba. E proyecto aki ta un bes mas den colaboracion cu Metabolic Foundation y e meta principal ta pa uza tecnologia pa yega na ‘homegrown solutions’ riba e retonan riba e tereno aki. Tambe lo cuminsa na minimalisa nos dependencia riba importacion di cuminda, den e caso aki fruta y berdura y re-emplasa locual nos mesun hendenan por planta y cu lo por crece na Aruba.

4. Future of Work Vocational Training

Chief Innovation Officer Varelie Croes y e FUTURA-teamAki tin pensa di crea empleo den cyber security. Cu proteccion di data y siguridad birando mas importante cu nunca den un mundo digital, mas y mas nos mester pone enfoke riba siguridad di nos datonan personal y nos conocemento di IT y Cybersecurity. P’esey ta anuncia e di 4 prioridad di 2020 cu ta desaroyo di un programa nobo vocacional cu lo ekipa hobennan cu conocemento aplicabel di ICT y di cybersecurity.

5 eLearning 2.0

E di dos eLearning Pilot lo ta Colegio Pastor Kranwinkel den e bario di Paradera. E proyecto Piloto aki lo ofrece e studiantenan y maestronan un experiencia mas personalisa y avansa. Lo uza tecnologia y manera nobo di siña y duna les. E obhetivo ta pa crea un ‘digital environment’ cu lesnan interactivo, unda ta stimula colaboracion. Asina lo desaroya e ‘21st century skills’ di nos muchanan.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options