Southwest Airlines a cuminsa bula e ruta directo Orlando-Aruba

ORANJESTAD –Southwest Airlines a reanuda su ruta for di Orlando pa Aruba despues cu esaki a keda cancela durante e pandemia.

Southwest Airlines ya caba ta operando cu vuelonan directo desde e ciudadnan di Baltimore y Washinton DC un biaha pa siman riba diasabra.

Avion Southwest AirlinesAwor Southwest Airlines lo ta operando un vuelo directo diariamente for di Orlando.

Segun Minister di Turismo Dangui Oduber e lansamento bek di e ruta di Orlando ta nifica un adelanto grandi pa Aruba su turismo. E ta bay crea un aumento drastico den e capacidad di stoel maximo cu tin, esaki ta haci cu proyeccionnan pa resto di aña 2022 lo ta mas alentador. E recuperacion di Aruba su turismo ta bay surpasa nivelnan di 2019 durante e lunanan nos dilanti.

E decision di Southwest Airlines pa reanuda e ruta di Orlando ta basa riba e raportahe haci caminda ta mustra cu Aruba ta e destinacion den Caribe cu mihor prestacion den medio di e pandemia. Tambe ta bisa cu Aruba ta entre e destinacionnan mas resiliente den henter Caribe basa riba e cantidad di bishitantenan confirma durante e temporada di zomer, tur esaki segun raportahe di Caribbean Hotel and Tourism Association.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options