Solamente Toque de Queda y orario di ciere di negoshi a cambia di ora, tur otro medida ta keda vigente.

ORANJESTAD – Cu flexibilisacion di e toque de queda y orario di ciere, Crisis Team a tuma nota cu tin algun persona of negoshi cu no a compronde bon e cambio y ta planeando fiesta.

Anuncio General Comision di Crisis COVID-19Crisis Team ta informa cu tur otro medida ta keda mesun cos y cu control di parti di Task force ta keda vigente. Task force ta keda monitor unda por ta organisa fiesta y unda tin aglomeracion di hende sin cu ta tene na cuenta e medidanan di proteccion necesario. Musica no ta permiti y lo wordo controla pa Task force.

Relaha na un forma responsabel E casonan ta bahando pero nos no por permiti pa loke a sosode na augustus y september bolbe tuma luga. Esnan cu viola e reglanan lo sufri e consecuencianan y lastima cu un of mas lo daña pa tur. Awor ta momento pa tur sector aprecia e hecho cu nos a logra baha e casonan positivo pa dia y esnan activo. Sinembargo esaki no ta motibo pa nos fiesta pero pa nos sigui cumpli cu hopi diciplina cu e reglanan pa e situacion no cambia y nos bolbe cay den brote di casonan. E peliger keto bay ta vigente, y mal comportacion por causa lockdown y perdida di miles di cupo di trabao. Sea consciente y responsabel. Bo por perhudica bo mes y otronan si bo no comporta bo mes segun reglanan.

Hunto nos ta logra control’e, Aruba ta conta cu bo.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options