Sobre peso of obesidad ta trece mas risico pa desaroya complicacion of morto ora haya COVID-19

Dit item is gearchiveerd op 20-09-2021.

ORANJESTAD  - Tin diferente motibo pakico un persona cu sobre peso of obesidad ta mas na risico pa desaroya complicacion cu por hasta conduci na morto na momento di contrae COVID-19.

Sobre peso y obesidad mayoria di biaha ta bin compaña pa un of mas malesa manera: presion halto, diabetes, problema di curason y colesterol halto, entre otro. Esaki ta e rason primordial pakico e persona cu sobre peso of obeso ta na risico mas halto.

Pa e motibo aki, e organisacionnan international di salud ta recomenda enfaticamente pa personanan cu sobre peso, obesidad of sobre peso excesivo pa no duda y vacuna.

Sobre peso of obesidad ta trece mas risico pa desaroya complicacion of morto ora haya COVID-19.Na Aruba di esnan interna den hospital:

  • 83%  ta sufri di sobre peso;
  • 38% cu presion halto;
  • 31% cu diabetes;
  • 7% cu problema di riñon;
  • 4% cu problema di curason.

E vacuna contra COVID-19 por proteha e grupo aki di keda interna, di desaroya complicacion of hasta muri pa motibo di COVID-19.

Vacuna no ta solamente un acto di solidaridad y responsabilidad conhunto caminda niun hende por keda atras; pero mas tanto, vacuna ta un acto di amor pa bo mes, bo famia y bo pais!

Participa den nos VacunaTHON, dia 22 di Augustus awo na Ritz Carlton for di 9am te cu 4pm. Por fabor, no duda mas: VACUNA!

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options