SMFA ta firma acuerdo cu Stichting Rancho

Dit item is gearchiveerd op 07-08-2020.

ORANJESTAD - Dia 3 di juli den presencia di e partnernan di e proyecto, Stichting Monumentenfonds Aruba (SMFA) a celebra finalisacion di e proyecto di restauracion di e forno di kalki y a firma un acuerdo di uzo cu Stichting Rancho.

Forno di calki den Rancho a keda restauraStichting Rancho awor por haci uzo libremente di e forno di Kalki como parti di nan tournan y asina lo por continua cu e bon trabou cu e fundacion a bin ta haciendo e ultimo añanan pa asina educa y conscientisa comunidad tocante historia di e bario di Rancho, incluyendo e forno di kalki cu ta un monumento industrial di 128 aña bieu.

Forno di calki den Rancho a keda restauraE ultimo biaha cu a restaura e forno tabata for di añanan setenta y e ultimo añanan e tabata den hopi mal condicion. Debi cu ta trata di un obheto cu no por huur ta haci dificil pa por a yega na financiamento pa un Proyecto asina. Pero danki na entre otro: Aruba Bank, VNO, Unoca y Prins Bernhard Cultuurfonds nos por a logra e proyecto aki y combin’e cu expansion di expertico local.

Durante un conferencia na Bermuda, SMFA a drenta den contacto cu Parvenir Heritage Restoration and Maintenance company di Trinidad y Tobago, cual ta un compania cu hopi experiencia pa traha cu kalki y cu e meta pa amplia conocemento di esaki den area di Caribe.
Asina a mira e oportunidad pa combina e restauracion cu un curso pa por haya e experticio den e ofishi aki cu a bay perdi, na Aruba bek.

Forno di calki den Rancho a keda restauraSMFA ta firma acuerdo cu Stichting RanchoNa final di september, Stichting Monumentenfonds Aruba (SMFA) a cuminsa cu e proyecto di restauracion di e forno di Kalki. Esaki a bay combina cu un curso na nivel basico di e uzo di kalki pa e proyectonan di restauracion. Tanto e curso como e proyecto di restauracion mes tabata bou di guia di Parvenir Heritage Restoration and Maintenance Company.

Un total di 17 participante a sigui e curso y ricibi nan certificado di Enseñansa pa Empleo. Despues di e curso a continua cu e proyecto di restauracion den cooperacion cu Parke Nacional Arikok cu a pone rangersnan, cu a sigui e curso, disponibel pa hunto cu Parvenir Heritage Restoration and Maintenance Company finalisa e proyecto.

E proyecto maske cu tabata uno simpel compara cu e proyectonan anterior, a enfrenta algun contratiempo debi na e retonan den e area y e mal estado cu e forno tabata aden.

Traspaso di yabi forno di calki den RanchoPa finalisa e proyecto a dicidi pa cera e entradanan di e forno cu heki p’asina evita cualkier incidente tuma lugar den e forno manera den pasado.

SMFA ta orguyoso di por a contribui na e desaroyo di e area di Rancho cu e proyecto aki y ta spera cu e esaki por ta un inspiracion pa futuro proyectonan den e area di Rancho.

Nos kier gradeci tur e partnernan cu a haci e proyecto aki posibel:
Stichting Rancho , Aruba Bank, Unoca ,VNO, Prins Bernhard Cultuurfonds Caribisch Gebied , National Archaeological Museum Aruba , Parvenir Heritage Restoration and Maintenance Company Ltd., Enseñansa pa Empleo Aruba , Monumentenbureau ,Fast Delivery Services, U.T.L.T., Van Kessel Havenbouw N.V. , Parke Nacional Arikok Aruba, Ministerio di Cultura.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options