Sinterklaas y su Pietnan a yega Aruba

ORANJESTAD - Riba 13 di november 2022, Minister Maduro di Cultura a yama Sinterklaas y su Pietnan bonbini na waf di Harbour Arena.

Dilanti un multitud grandi di mucha presente na waf, e mandatario a splica Sinterklaas cu tur mucha a haci bon mucha na Aruba y ta pidi Sinterklaas pa trece e regalo di mas bunita pa tur mucha, cual ta amor y alegria.

Sinterklaas y su Pietnan a yega ArubaSinterklaas y su Pietnan a yega ArubaSinterklaas a sorprende Minister Maduro cu e bunita buki 'Academia di Piet' den cual Sinterklaas ta splica tur e cambionan cu tin cu e celebracion di Sinterklaas y su Pietnan di color. Cada color tin un bunita nificacion y pesey e biaha aki Sinterklaas ta desea pa tur mucha haya sa di nan.

Minister Maduro a yama Sinterklaas masha danki pa e bunita buki aki y e bisa Sinterklaas cu elo percura pa nos muchanan haya e buki aki na scol y pa e ta accesibel tambe na forma digital pa tur nos muchanan.Despues di e yamada di bonbini, Sinterklaas y tur su Pietnan a bay den un caravana compaña pa e coro di 'Muchanan Sabi' di Edselyne Figaroa, hunto cu Quality brassband y nos Reinanan direccion pa Plaza Padu unda tabata tin un fiesta prepara pa e muchanan disfruta di e yegada di Sinterklaas y su Pietnan na Aruba.

Minister Maduro ta gradici Comision Celebracion Dianan Nacional hunto cu Aruba Bank, Setar, APA y tur otro patronisador cu a contribui pa e bunita evento aki.

     Sinterklaas y su Pietnan a yega Aruba   Sinterklaas y su Pietnan a yega Aruba   Sinterklaas y su Pietnan a yega Aruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options