Siman internacional di entrenamento K9 un exito rotundo

Un entrenamento unda cu Aruba tawata e anfitrion y un biaha mas a bira un exito rotundo. E unidadnan di K9 cu a participa tawata di Aruba, Sint Maarten, Rotterdam-Hulanda, y di Australia cual grupo mester a biaha mas di 50 ora pa participa den entrenamento.

Presente durante henter e siman aki  tawata señor W.J. van Bochove, un delegado di Reino na nomber di e “Landelijk Keuringsbureau Politiehonden van de Nederlandse Nationale Politie.” El a keda impresiona cu e participantenan specificamente pa loke ta trata e con por maneha y e manera practico cu por emplea e cachonan di servicio aki riba vario tereno.

Durante e periodo di entrenamento a presenta e participantenan cu diverso scenario. Nan mester a subi un edificio cu trapi y trapi traha di cabuya, subi un barco, bay den mondi, bay di buskeda riba rif pa sospechoso cu a huy. Na e Centro di Formacion KIA na Balashi y na Wela a train varios procedura. E dokter di bestia sra. Natalie Booi di Animal Care Clinic ta duna un charla riba e topico: Con ta preveni zonnesteek y otro peligronan relaciona cu e clima den cual e cacho por haya su mes.

E Team Special di Resfuerso-K9 ta existi desde 2013 y a desaroya su mes den un partner di seguridad pa KIA y otro departamentonan di husticia. Riba nivel internacional nan ta traha cu organisacionnan ruman na Hulando, Sint Maarten, Merca y otro paisnan.

Otro aña april BOT-K9 di KIA lo organisa e di cinco Aruban High Risk Deployment K9- Training Seminar.