Siman global di Media and Information Literacy di UNESCO

Dit item is gearchiveerd op 26-11-2021.

ORANJESTAD - Desde 2012 mundo ta celebra e siman global dedica na ‘Media Information Literacy’(MIL) bou liderasgo di UNESCO.

MIL-week ta un bon ocasion pa tur stakeholders, cu tin un responsabilidad riba e tema aki, para keto n’e logronan, desafionan y oportunidadnan pa sigui mehora e calidad di abilidad pa uzo di media y informacion.

Nos celebro ta depende di informacion pa por traha optimal. E calidad di informacion cu nos lo ricibi ta determina entre otro nos percepcion y desaroyo, nos creencia y nos actitud. E por ta informacion di otro persona, di media, di biblioteca, di museo y tambe informacion di riba internet.

E aña aki ta celebra e di dies (10) MIL-Week den e siman di 24-31 october 2021 y e pais Sur Africa ta anfitrion di e conferencia. E tema principal di e aña aki ta ‘Media & Information Literacy for the Public Good’, poniendo asina e atencion riba e necesidad di di informacion como beneficio p’e comunidad en general.

UNESCO Aruba ta na altura cu tin stakeholders manera IPA y algun otro scolnan cu activamente lo participa na e MIL-week. Ban celebra e MIL-week door di conscientisa un y tur  riba e importancia di aplica bo habilidadnan ora di uza media y informacion.

Riba e website https://en.unesco.org/commemorations/globalmilweek por haya mas material riba e tema aki.

Global Media and Information Literacy Week UNESCO

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options