E siman aki nos tin e tema di “Sacudi e habito di Salo”.
Pa un bida saludabel nos kier enfoca riba preveni e consumo halto di salo den nos dia diario.
E consumo halto tur dia por causa diferente problema pa nos salud y ta pone nos na riesgo di:
- Presion halto,
- Ataca di curason,
- Enfermedad na nos riñon,
- Y otro enfermedadnan cardiovascular.
E salud di nos comunidad ta hopi importante y pa es motibo aki nos seccion promocion di salud ta comparti e hermentnan pa desaroya y implementa cambio den nos habito pa cu salo.
Punto nan cu por aplica ora di consumi salo ta:
- Limita e tipo di snacks den cas cu ta contene salo, por ehempel chips cu ta contene salo.
- Ora di haci compras, lesa e contenido di salo y tuma nota e suma di sodium den e produkto. Den e lista di contenido por wak e porcentahe cu un persona por consumi den un dia, e porcentahe mesters ta abou.
- Sea alerta ora di come afo di cas, tuma nota pa e opcion nan di plato tin minimo salo. Y si ta contene salo caba, no agrega mas den esaki.
- Ora di cushina, haci uzo di produkto nan mas fresco posibel. Por ehempel uzo di celery, parsley of basil den nos cuminda.
- Haci uzo di ingredientenan cu ta contene un minimo di salo of niun salo ora di prepara nos dushi sabor den cuminda. Por ehempel curry, turmeric of garlic.
E siman aki e campaña ta netamente e comienso di hopi mas cu Departamento di Salud Publico lo bay traha conhunto cu IBISA y otro organisacionnan durante e aña aki.
Tur colaboracion ta pa duna e comunidad di Aruba mas informacion y instruccion di con pa trece cambio saludabel den nan habito y tambe pa tin un mihor calidad di bida pa henter famia.
Pa mas informacion por sigui e pagina di Facebook di Directie Volksgezondheid DVG Aruba of yama riba 522-4200.
Share this page