Siguiente vuelonan di Regreso Boluntario pa Venezuela ta den planificacion

ORANJESTAD - Desde april Minister di Husticia conhuntamente cu partners strategico a incia cu e programa di asistencia Regreso Boluntario pa tur esnan cu ta desea di residencia nan mes bek na nan pais di origen di forma boluntario.

Ad Regreso boluntarioE esfuersonan pa repatria esnan interesa lo continua di forma responsabel mientras tin un demanda. Personanan cu ta desea di regresa riba e siguiente vuelo pa Venezuela por acudi na e oficina di Avisa situa na Engelandstraat 4, pa asina nan cumpra nan ticket di avion y sigura un cupo riba e siguiente vuelo. Personanan cu a inscribi caba via di e website di DIMAS www.dimasaruba.aw a wordo informa for di dia 11 di november pa nan pasa na oficina di Avisa te cu dia 17 di november pa cumpra e ticket.  Di e forma aki por haci un inventario cuanto hende ta interesa y cuanto vuelo mas ta necesario. Segun e avion wordo yena e fecha definitivo ta wordo fiha y e persona lo wordo informa ki dia e lo tin di haci e PCR test.

Rekisitonan di Regreso Boluntario:

  • Formulario online yena Regreso Voluntario/Voluntary Return/Vrijwillige Terugkeer riba e website di DIMAS www.dimasaruba.aw.
  • Ad Regreso boluntarioDocumentonan di biahe valido. Si esakinan a caduca lo tin di acudi na e consulado pa haya un documento provisional di biahe.
  • Si no por cubri cu e gastonan, mester por comproba esaki. Den caso cu tin un garante lo contacta e garante pa cubri e gastonan.
  • Si tin un aplicacion andando di asilo, e persona lo ser pidi pa retracta si e kier regresa riba base boluntario. Formulario lo ser suministra door di DIMAS.
  • Si e persona tabatin un overstay lo ricibi un restriccion den forma di  un decreto cu no lo por bolbe Aruba den menos di 18 luna depende cuanto tempo e la surpasa su estadia. Turistanan cu a keda pega pa via di e pandemia of personanan cu un status legal of cu permiso a caduca of wordo nenga recien lo no tin un restriccion si desea di regresa Aruba den un futuro sercano.

Tur esnan cu ta interesa por inscribi nan mes via di e website di DIMAS www.dimasaruba.aw yenando e formulario di Regreso Voluntario y acudi na oficina di Avisa te cu diamars 17 di november 2020 pa asina nan por paga e ticket y sigura e cupo riba e siguiente vuelo. Mas informacion lo wordo suministra na esnan interesa via di nan emailadres y of telefon.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options