Sigui cuida pa nos evita un third wave COVID-19

Dit item is gearchiveerd op 27-11-2020.

ORANJESTAD -  Aruba a surpasa su "first wave" y ta surpasando e brote cu a ocasiona un "second wave" di COVID-19.

Departamento ta haci un yamado na nos comunidad pa sigui e medidanan di prevencion di COVID-19 pa awo hunto evita un "third wave".  

Famoso fofoti riba Eagle BeachE yegada di e virus nobo di COVID-19 a ocasiona un pandemia cu ta afectando mundo henter, incluyendo Aruba.

Mientras diferente pais ta lucha pa reduci nan cantidad di caso positivo,Aruba tambe mester sigui lucha pa mantene e cantidad di caso abou, pa asina por tin un bon maneho di e pandemia y garantisa cuido medico na tur esnan cu mester di dje na un momento determina.

Na nos isla COVID-19 no a ocasiona unicamente un crisis di salud causando morto, pero tambe un crisis economico. Durante e crisis economico aki, hopi hende a perde trabou of a bay atras den salario, debi na e caida di turismo, nos unico pilar economico. E reduccion den e cantidad di turista a trece cu ne un caida significativo den e fuente di trabou; dus menos salario, cual ta hiba na mas problema social y pobresa.

Aruba a surpasa su "first wave" cerando frontera y cu e introduccion di hopi medida, entre otro toque de queda y shelter in place.

Despues di 2 luna y mei, cu hopi esfuerso y perseverancia, Aruba ta surpasando e brote cu a ocasiona un "second wave".

Awo ta e momento pa hunto evita un "third wave". Nos tur mester ta cla pa defend’e y mantene positivismo.

Ban sigui tur regla stipula pa bringa COVID-19 y un posibel “third wave”. Ban ta determina pa enfrenta tur reto, sin kita nos cordialidad y nos amabilidad.

Nos lo cumpli cu ne cu responsabilidad, disciplina y determinacion. Esaki ta e unico forma pa Aruba sigui progresa memei di pandemia di COVID-19 aki, pasobra progreso di nos isla ta progreso di nos tur.

#ArubaTaContaCuBo, ban sigui cuida!

#DVGAruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options