Sesion di informacion di Horizon Europe

ORANJESTAD – Departamento di Asunto Economico, Comercio y Industria (DAECI) ta informa cu lo bay bin un sesion di informacion tocante e programa nobo aki di ciencia y innovacion di Union Europeo.

Esaki tambe lo bay ta e lansamento oficial di e programa Horizon Europe den Latino America y Caribe. Esaki lo tuma lugar diahuebs awor dia 8 di juli, pa 11:00 di mainta, ora local. Lo live-streame e evento via e YouTube channel y lo no graba esaki.

E YouTube canal ta: https://www.youtube.com/watch?v=RXehTzW0ioQ

Por registra na: https://euconf-eu.zoom.us/webinar/register/WN_oZEXvXKpTxCplweOs-exjg

Interesadonan por registra na e link aki riba.

Sesion di informacion di Horizon EuropeE sesion lo ta na e idioma Ingles cu traduccion simultaneo na Spaño.

Den e anexo por haya mas informacion tocante e agenda di e sesion di informacion di e programa Horizon Europe.

Tocante Horizon Europe:

Horizon Europe ta e programa di cooperacion nobo di Europese Commissie y tin un presupuesto total di 95.5 miljard di euro. E ta core den e siguiente 7 añanan di 2021 pa 2027. E fondonan aki ta subsidio cu ta otorga despues di un tender y ta proyectonan cientifico y innovativo pero tambe pa enfrenta e retonan global. Meta ta pa crea empleo di halto nivel y pa mehora e calidad di bida.

Pa mas informacion por tuma contacto cu:

Sr. Humphrey Vrolijk
Dept. di Economische Zaken, Handel & Industrie
L.G. Smith Blvd. 160 2nd floor
Oranjestad, Aruba.
E-mail. H.vrolijk@deaci.aw
Tel: 5212413

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options