Servicio limita na biblioteca

Dit item is gearchiveerd op 15-06-2020.

ORANJESTAD – Biblioteca Nacional ta informa di su servicio limita.

Hopi miembro ta haya falta di buki pa lesa y ta desea pa busca otro buki. Na biblioteca nan ta consciente di esaki. Pesey ta reorganisa algun servicio y pa awor ta fiha mas riba servicio digital. Pa e motibo aki a cuminsa cu E-books siman pasa cu e servicio di onlinebibliotheek cu ta bay segun peticion via e-mail. Tambe tin mucho mas material den coleccion digital.

For di dialuna, 11 di mei, biblioteca publico na George Madurostraat (O’stad) y Peter Stuyvesantstraat (San Nicolas) ta habri entre 9or pa 3or pa entrega buki of busca buki.

Ad servicio limita bibliotecaEsaki ta bay di un manera poco diferente:

Esnan cu ta desea di entrega bukinan tin e posibilidad di ‘drop-off’ buki.  Lo desinfecta esakinan prome cu nan bay den cashi bek, segun procedura stipula pa e bibliotecanan rond mundo. E miembronan cu ta desea di fia buki por manda un email na info@bibliotecanacional.aw of yama na 528-1526 y 582-1527. Na biblioteca ta pone e bukinan cla pa e miembro y ta avisa ki ora por busca buki. Esaki lo ta den orario di 9or di mainta pa 3or di atardi.

Por fabor, den email menciona:

  • Nomber;
  • Number di telefon;
  • Number di e barcode riba e carchi miembro;
  • Preferencia: y tambe si bo ta desea titulo of autor specifico, topico of genero manera drama; detective, aventura, etc.;
  • Idioma: Specifica tambe den ki idiomabo ta desea di lesa.

Teniendo na cuenta e reglanan di distanciamento social, e servicio aki ta bay segun afspraak, no por djis yega biblioteca pa entrega of busca buki.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options