Servicio di GKMB a ricibi mashin di fumigacion nobo

Esaki ta un inversion di mas of menos 45 mil florin cu Minister di Salubridad Publico a haci pa por sigui combati y preveni malesanan transmiti door di sangura.

E mashinnan ta di marca Igeba cu ta produci na Alemania y DAL pestcontrol, cu ta nan agencia na Aruba a ntrega esaki.  Ta trata aki di dos aparato di cual e prome mashin ta un ULV (Ultra Low Volume) aerosol generator. E mashinaki ta uza volumen halto di aire na un presion abou pa transforma pesticida likido den drupelsnan cu por distribui den admosfera. E di dos mashin ta un Thermal fogger cual por produci gran cantidad di huma di pesticida cu ta uza pa fumigacion.

Lo uza ambos aparato ora tin hopi molester di sangura den e barionan of ora tin alerta di brote  di malesanan transmiti door di sangura manera por ehempel Dengue, Zika y Chikungunya. Por uza ambos mashin tambe pa combati e sangura preto cu ta sangura di mangel, comun den e area di Savaneta y Pos Chikito.

Cu yegada di e dos mashinnan aki e personal di GKMB ta hopi contento pasobra nan por sigui eherce nan trabou, solamente awo den tempo mas cortico y nan ta bon ekipa y prepara pa cualkier eventualidad riba e tereno di combati sangura