Servicio di abattoir lo ta cera pa mantencion

Dit item is gearchiveerd op 17-06-2021.

ORANJESTAD – En conexion cu mantencion necesario, Veterinaire Dienst ta informa cu nan servicio di abattoire lo ta cera cuminsando diahuebs 20 di mei 2021 te cu dialuna 24 di mei 2021.

Entrante diamars 25 di mei 2021 abattoir lo sigui duna su servicio di matansa riba afspraak.

AbattoirAbattoirPa un cita/afspraak riba e dianan di matansa cu ta riba diamars y diahuebs, mester yama por lo menos un dia prome na 5224310.

Lo duna servicio bou di condicionnan estricto di e.o distancia fisico y prohibicion di aglomeracion, pa asina evita un cantidad grandi di hende riba tereno di abattoir na mes momento.Veterinaire Dienst ta haci un suplica na esnan cu ta bin busca servicio cerca nos pa cumpli cu tur condicion stipula. Lo pidi es cu no kier cumpli cu e condicionnan di proteccion pa bandona e localidad.

Veterinaire Dienst lo traha a base di e siguiente condicionnan:

  • Criadornan di bestia mester traha un cita adelanta cerca nos administracion na telefon : 5224310 y informa cu cuanto bestia lo e bin. Sin cita lo no duna servicio
  • Riba e dia y orario stipula e criador di bestia mester raporta su mes na e gate. Si e persona ta laat of e no presenta lo no honra e peticion despues mas y mester traha.un cita nobo
  • Ta controla E criador di bestia na gate si e tin cita. Si e tin cita elo haya instruccion pa pone su bestianan den e hokinan asigna y despues e mester bandona tereno di Veterinaire dienst.
  • Despues ta keur y mata e bestianan conforme nos reglanan.

AbattoirOra cu Veterinaire Dienst caba cu e matansa, ta yama e doño e mes un dia pa presenta na gate y busca su bestianan despues cu a paga pa e servicio. E pago di servicio mester ta cu ATM of placa cash exacto hinka den un envelop.

Servicio Veterinario ta informa cu e medidanan aki ta necesario debi na e crisis di Corona Virus y ta necesario pa cuida salud di nos personal pero tambe di nos clientenan. Si riba dia di bo cita bo tin sintoma manera tosamento, keintura, dolor di garganta nos ta suplica bo pa no bin na nos servicio pero pidi pa haci cambio di cita.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options