Serlimar SG ta conoce su director nobo

ORANJESTAD - Minister Ursell Arends di Transporte, Interidad, Naturalesa y Asunto di Adulto Mayor ta anuncia cu Raad van Toezicht di Serlimar SG a nombra sra. Melitza Geerman como e director di Serlimar entrante 1 di november 2022.

Sra. Melitza Geerman como e director di Serlimar entrante 1 di november 2022.Despues di a pasa un proceso di solicitud e escohencia di e Raad van Toezicht a keda den sra. Geerman. Sra Geerman tin un Bachelor's Degree den Business Administration, un Minor degree den Human Resources Management & Organization Development, y Economics. Alabes e tin trayectoria amplio den sector priva, unda e la fungi den diferente funcionan clave tanto den management y marketing. Su funcion mas recien ta di Head of Commercial/ Territory Manager Aruba na Superior Tobacco Aruba N.V. afilia na Philip Morris International.

Serlimar ta den su momentonan crucial, cu retonan hopi grandi y alabes posibilidadnan real pa cambia e rumbo unda e ta bayendo.

Minister Arends a indica di tin pleno confiansa cu señora Geerman tin tur e competencianan necesario pa dirigi Serlimar den rumbo pa un compania financieramente fuerte."

Tambe ta extende su palabra di gradicimento na sra Madeline Lacle como director interino den su esfuerso y tareanan desplega den temporadanan hopi dificil di e compania. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options