Seminario di training pa promove participacion na proyectonan di Erasmus+

Dit item is gearchiveerd op 03-12-2020.

ORANJESTAD – Oficina di Relacion Europeo y Reino  (Bureau Europese Unie en Koninkrijksrelaties) ta informa cu e Agencianan nacional di Europa encarga cu Erasmus+ ta organisa un seminario di training pa promove participacion na proyectonan di Erasmus+.

E training aki lo ta specialmente pa e organisacionnan di hoben of organisacionnan cu ta traha cu hoben y tambe pa esnan interesa den trabou boluntario, asina yama Erasmus+ Youth & European Solidarity Corps.

Logo Erasmus + European Solidarity CorpsObhetivo di e training aki lo ta pa entre otro:

  • duna guia na organisacionnan di hoben of cu ta traha cu hoben, con pa yega na un partner pa por haci un proyecto;
  • compronde mihor con Erasmus+ ta funciona y e oportunidadnan cu e ta ofrece;
  • identifica e obstaculonan cu por tin pa cu e uzo di e programa Erasmus+;
  • siña con Erasmus+ por contribui na desaroyo di bo organisacion.

Training lo tuma lugar den 3 sesion entre fechanan: 16 november y 9 december 2020.

Nos ta haci un yamada na tur organisacionnan di hoben of cu ta traha cu hoben y cu tin interes pa crea mas oportunidad pa su organisacion, pa registra awe mes  pa por wordo selecta:

Logo Erasmus + Youth & European Solidarity CorpsUltimo dia pa registra ta 4 di november 2020. Participacion ta bay via seleccion y no tin gasto inclui. Ta importante pa duna informacion amplio con e training aki lo yuda bo organisacion den e documento di inscripcion.

Pa mas informacion of ayudo cu registracion por tuma contacto via e whattsap line di BEUK:  5823190 of via email na g.croes@arubagovernment.eu

Persona di contacto: mr. Gerlien Croes

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options