Seis Trahado Social Profesional ta cla pa Transforma Aruba

Finalmente, despues di cuater aña di trabou duro, a celebra e graduacion di Genesis Tolozo Solano, Arlette Franken, Allison Oriana Ramirez, Elaine Anda, Delaiah Tromp y Vania Arendz.

Nan a completa nan etapa academico hayando asina nan bachelor’s degree den Social Work and Development, cla pa transforma Aruba.

E invitadonan tawata entre otro:  Rector, Professor Dr. Viola Heutger, Dr. Mieke de Droog, Decano di e facultad di Arts & Science, Docentenan, representantenan di e area di trabou, famia, y sernan keri di e graduadonan. Aproximadamente 100 invitado a observa e bunita celebracion aki den e aula di e Universidad di Aruba.

E animadornan di e evento a keda den man di e actual studiante di SW&D Ashna Thijsen y studiante gradua Michelle Lont. E ceremonia a cuminsa cu e seis graduadonan drentando e aula cu e melodia di e cantica “Unstoppable” di e cantante Sia. Siguientemente, Arlette Franken a canta e Himno Nacional di Aruba pa oficialmente cuminsa e ceremonia. E decano a duna tur persona presente un bonbini caluroso y a tambe remarkenan oficial haci door di e Rector.

E graduadonan a presenta nan thesis y na proyecto profesional cu nan a diseña for di e resultadonan di nan investigacion pa e agencia unda nan a haci nan stage. Genesis Solano a cuminsa su presentacion cu su topico di investigacion “Life During a Pandemic: Analysis on the Covid-19 Pandemic’s Impacts on Main Tenants of Rented Households of Fundacion Cas pa Comunidad Arubano and Comprehensive Instruments for Alleviating its Aftermath”. Arlette Franken a continua cu su topico di investigacion  “Parenting Support for Millennial Parents in Leading Positions in Aruba”. Despues  Alisson Ramirez a haci su presentacion riba e topico "Parents of Children with Learning Disabilities and Their Perspectives on Necessities Arising for Formal Support". E siguiente presentacion tawata di Elaine Ande riba e topico “The Effects of Parents’ Socioeconomic Status on the Academic Performance of Their Children at Scol Paso Pa Futuro.” Delaiah Tromp, a continua cu su topico riba “The Effectiveness of Art Techniques as an Intervention Tool in Social Work Practice Amongst HIAS Participants in Aruba”. Vania Arendz a presenta e ultimo presentacion di e anochi cu su topico riba “ Perceived Operational Stress and Burnout of Police Officers as First Responders: Towards Assessing the Need for Support”.

E programa di SW&D ta extende su gratitud na e research coaches cu a guia e graduadonan, en especial Kimberley Wever, Jeanete Gregorius, y Sacha Geerman. E programa tambe ta agradeci e diferente instructornan di e area di trabou y supervisornan cu a apoya y guia e studiantenan durante na carera profesional di cuater aña, particularmente durante nan pasantia di trabou. Finalmente, na tur e docentenan cu a contribui na e tutelaria academico di e graduadonan.

E graduadonan a ricibi nan diploma y saca potret cu e miembronan di e facultad, familiarnan, y sernan keri. E ceremonia a finalisa cu un bunita version di “Hero” di e cantante Mariah Carey, canta door di e studiante di SW&D Giannina Angela. Despues cu e ceremonia a finalisa, e graduadonan y nan invitadonan a disfruta di un variacion di cocktails delicioso y biña na e jardin di e Universidad. Miguel Acers, e Student Assistant, tawata e DJ di e anochi y a serena e graduadonan y nan invitadonan cu un variacion di diferente generonan di musica.

E graduacion di e seis alumnonan aki tawata un gran exito pa e programa di Social Work & Development na Universidad di Aruba. Sigur e tawata un momento di alegria pa e graduadonan y nan familia y sernan keri. Nos ta desea e graduadonan tur clase di exito den nan futuro manera trahado social profesional den e area di trabou na Aruba y exterior.