E cruise convention aki ta e convention pa cruceronan mas grandi na mundo y pa motibo di pandemia no a organisa e ultimo 2 añanan aki.
E presencia di Aruba ta hopi importante e siman aki considerando cu e ta un showcase pa mundo, tur pais tey presente y tambe tur liñanan crusero.
Aruba lo tin un booth presente e siman aki pa asina showcase y mustra kico tur pais Aruba tin pa ofrece na liñanan crucero. Aruba su delegacion ta consisti di Minister di Turismo sr. Dangui Oduber, CEO di ATA sra. Ronella Croes, CEO di APA sr. Marc Figaroa y tambe cruise manager di ATA sr. Mario Arends.
Tin varios reunion hopi importante cu Minister Oduber lo ta atendiendo e siman aki. E mandatario lo ta reuniendo cu Carnival Cruise lines, Royal Caribbean Cruises y tambe MSC Cruises y varios otro liña crucero. Tambe minister Oduber a reuni cu minister di turismo di Republica Dominicana, Corsou y Jaxport. Tawata reunion importante pa desaroyo di nos turismo crucero.
Turismo crucero ta keda importante pa pais Aruba. Door di e pandemia Aruba a conoce un retraso den e industria aki pero poco poco turismo crucero ta biniendo bek. Durante e convention a demostra cu Aruba, apesar di ta den ''deep south" riba e ruta pa cruceronan, ta keda un destinacion atractivo y hopi popular.
Share this page