Sea mas consciente durante fin di aña

ORANJESTAD  - Departamento di Salud Publico ta urgi pueblo di Aruba pa ta mas consciente durante fin di aña.

Durante e ultimo dianan di aña 2020, sea consciente y yuda brinda proteccion na esnan mas vulnerabel manera nos grandinan, nos chikitonan y nos mascotanan.

Ad vuurwerkProteha adulto mayor di e huma toxico, bisti nan earplug pa proteha oido. No laga e persona su so si klapchi ta dun’e ansiedad.

Proteha mucha chikito, bisti nan earplug pa proteha oido. No laga nan cende klapchi sin supervision di un adulto.

Proteha bo mascota. Mantene preferiblemente paden. Dune un trahkilisante segun instuccion di veterinario.

Proteha bo mes y otro. Mantene distancia, celebra den famia y evita aglomeracion.
 

Algun tip pa tira klapchi na un manera sigur:

  • Sea critico riba e klapchi cu bo ta cumpra. Klapchi no mag di ta mas cu 2 aña bieu. Controla e fecha riba dje. E mester ta 2018 of 2017. No mas bieu cu esaki.
  • Controla e klapchi tambe riba su daño. Klapchinan cu tin daño, no ta bay haci loke ta spera di haci, cu consecuencia cu esaki por lastima un persona. Controla e klapchi riba daño.
  • Sa kico klapchi ta haci. Wak si e tin un etiketa cu ta perscribi kico e ta haci of si e tin un mensahe pa ilustra kico e ta bay haci. Si esaki no tey, puntra e persona cu ta bende klapchi kico e ta haci, pa bo sa kico ta spera di e klapchi.
  • Cumpra klapchinan adecuado pa mucha. For di chikito ta un tradicion cu ta tira klapchi. Nos muchanan ta lanta den esfera di tira klapchi, pero tin cu educa nan na un manera corecto, con pa cende esaki sigur.
  • Educa nos hobennan. Papia cu nos hobennan. Hopi biaha nan ta gusta experimenta cu klapchi. Nan ta bay traha bom, of guera riba otro. Educa nos hobennan con pa bay safe cu klapchi.
  • Uza mecha semper. Mecha largo. No cende klapchi cu sigaria, lighter of cualkier otro obheto.
  • No bolbe bek pa cende klapchi cu no a cende. Tin diferente velocidad. Tin ta cende hopi mas lihe cu otro. Si a cende un klapchi y esaki no a cende, no bolbe bek. Laga algun minuut pasa (minimo 30 minuut) pa ta sigur cu esaki a paga. 
  • Nunca cende klapchi den man. Tin experiencia cu a haya accidente cu prome nan por a tir’e, el a rementa caba den nan man. Pesey mes, cende klapchi semper riba tera.
  • No tira riba otro of tira riba bestia tampoco. 

Sea mas consciente durante fin di aña.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options