Scolnan a ricibi video link di produccion “Dia di San Juan - Dera Gay”

ORANJESTAD – Pa prepara pa participa den e programa Kibra Coco – Edicion San Juan – Dera Gay y pa docentenan por tin material educativo, tur scol a ricibi un email cu informacion. E produccion digital cu tin como titulo “Dia di San Juan - Dera Gay, Nos Tradicion”. 

Tradicion ta yuda uni nos, pa e motibo aki a crea e produccion di Dia di San Juan, miho conoci como Dia di Dera Gay. Ta trata di un video informativo cu e meta pa conscientisa specialmente nos muchanan y generacion nobo, di e origen y historia di nos tradicion di fiesta di cosecha cu ta celebra dia 24 di juni.

Celebracion Dera Gay - Dia di San Juan  Celebracion Dera Gay - Dia di San Juan  E video aki no solamente ta trata di e historia di celebracion di San Juan, pero tambe con ela evoluciona y bira manera e ta awe. Ta importante pa mantene e bunita tradicion aki bibo pa asina duna honor na nos antepasadonan.

Minister di Finansa y Cultura Xiomara Maduro ta haci un apelacion na comunidad pa ta cauteloso ora di cende candela durante Dia di San Juan. Candela ta hopi peligroso y facilmente por destrui naturalesa, infrastructura y hasta por causa morto. Si kier cende candela haci esaki na un manera responsabel.

Celebracion Dera Gay - Dia di San Juan  Ministerio di Cultura hunto cu Comision Celebracion Dianan Nacional lo sigui hiba un maneho caminda ta percura pa tur scol basico sigui ricibi material informativo di nos Dianan Nacional y Fiestanan Cultural pa por uza den lesnan na scol. 

Minister Maduro ta invita tur muchanan di scol basico pa participa den e Competencia di Kibra Coco cual lo tuma luga, diasabra 25 di juni cuminsando pa 5 or di atardi na Teleraruba. Un danki na Ministerio di Cultura, Comision Celebracion Dianan Nacional, Povi-Tree, Departamento di Cultura, Archivo Nacional Aruba, Telearuba, HP, SETAR y e comision forma pa docentenan di scol basico y dos graduadonan di Bachelor Papiamento pa nan contribucion pa logra otro edicion di Kibra Coco.

Celebracion Dera Gay - Dia di San Juan       Celebracion Dera Gay - Dia di San Juan

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options