Santa Rosa ta haci un apelacion na tur productor di webo pa registra

Dit item is gearchiveerd op 09-05-2021.

ORANJESTAD - Santa Rosa, tin algun tempo caba ta haci apelacion na tur cunukero, criado y piscado, pa regista na Santa Rosa.

Esaki ta conta tanto pa esnan cu ta produci den un forma comercial como tambe pa hobby.

Actualmente, Santa Rosa ta ricibi varios melding di criadonan di galiña pa webo, cu ta keha cu nan no ta logra bende e cahanan di webo cu nan ta produci y ta lamenta e tempo y placa cu nan a inverti den e produccion.

Actualmente na Santa Rosa, tin solamente 5 persona/compania registra como criador di galiña pa webo, mientras cu nos ta observa cu tin varios criador cu ta bende nan productonan riba rednan social. Aruba ta importa un cantidad halto di webo pa aña y e initiativa di produci nos propio webo fresco sigur ta uno di aplaudi y cual Gobierno ta stimula tambe. Sinembargo, ta dificil pa tin datonan real di produccion y informacion di esnan cu ta practica e criansa di galiña pa webo, si Santa Rosa no tin e informacion necesario. Sin dato, ta imposibel pa por analisa y controla e crecemento di e sector aki, pa asina por duna mas sosten y crea manehonan cu lo aporta na un crecemento structura di e sector aki.

Reunion Santa Rosa cu Departamento di Asuntonan Economico (IDEA) y Departamento di Salubridad (DVG), pa delibera riba un posibel maneho integral tocante produccion di webo local.Recientemente, Santa Rosa a reuni cu Departamento di Asuntonan Economico (IDEA) y Departamento di Salubridad (DVG), pa delibera riba un posibel maneho integral tocante produccion di webo local. Un maneho den cual por controla crecemento di produccion, haci control di calidad, sostene e productornan cu ideanan strategico mediante workshops y informacion, con pa mercadea nan producto y asina conscientisa nos comunidad riba e beneficionan di cumpra webo for di productornan local. Pero prome cu e werkgroep por logra e meta di introduci un maneho, nan lo mester conta primordialmente cu datonan concreto manera entre otro, ken, cuanto, na unda etc ta produci webo y con pa stimula un crecemento riba un basis continuo. Den pasado, IDEA conhuntamente cu DVG y Santa Rosa, ya a duna varios charla na e productornan di webo y aki tambe, a  pidi nan pa registra na Santa Rosa y na KVK, pa asina por considera nan como un contribuidor na e produccion di webo local. Mester remarca cu productor nan di webo no ta paga belasting, dus no mester tin e miedo di registra como productor di webo comercial, pero si e ta importante pa Gobierno por tin un bista completo di cuanto webo nos isla ta produciendo y asina determina con lo por introduci maneho cu ta enfoca riba calidad, sostenibilidad y continuidad como productor.

Webo produci localmenteKico bo mester pa regista na Santa Rosa

Mester trece tur informacion di tereno (situatie plan), copia di “overeenkomst” pa e huurgrond of documento oficial den caso di tereno propiedad, buki di huurgrond di DIP como tambe bo ID y registro di KVK, si ta produci ariba un escala comercial. Den caso cu ta famia of un tercera persona ta haci uzo di e tereno den nomber di e doño, mester tin un “machtiging” mediante cual e doño di tereno ta duna permiso pa haci uzo di e tereno. Den caso cu ta un negoshi mester tin registro di KVK (Kamer van Koophandel). Na momento cu registra lo bo mester yena un formulario, dependiendo di e sector cu bo ta activo aden..

Beneficionan na momento cu registra

Bo persona lo por yega na remarke pa ricibi servicionan di Santa RosaSi bo ta agricultor bo por haya e servicio di entrega di trucknan di awa. Por yega tambe na remarke na “Awa pa Agricultor” cual Santa Rosa hunto cu WEB Aruba NV ta ofrece. Negoshinan por haya “vrijstelling van invoerrechten” liber di impuesto riba cierto producto pa propio uzo. No lubida e parti importante aki, cu ta pa propio uzo. Na momento cu bo wordo descubri ta bende e producto aki na tercera lo bo por wordo cobra bek e suma di impuesto.  

Si no ta logra pa bishita Santa Rosa personalmente, lo por registra online, door di mail tur dato     menciona ariba, via info@santarosa.aw of por jama 5858102 pa ricibi mas informacion.

“Sostene nos Cultura, practica Cria, Pesca y Agricultura”

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options