Ruta nobo pa yega Test Center na Hospital desde 30 december!

ORANJESTAD - E aumento drastico den casonan di Covid-19 ta haci cu e cantidad di persona cu mester test tambe ta subi.

E ultimo dianan por a nota un fila grandi pa yega Test Center na Hospital cual ta blokia entradanan importante pa pashent y bishitante manera e entrada principal di Hospital y di Emergencia. Esaki pues ta trece un reto logistico cu ne.

Den cooperacion cu DOW y Cuerpo Policial a tuma e decision necesario pa pone un ruta alternativa desde diahuebs 30 di december pa yega e Test Center di LabHOH. Riba e mapa por mira e ruta nobo pa yega Test Center cu ta bay via e rotonde di Citgo Sasaki pa the Cinemas Gloria bay abou pa Hospital.

Pues si bo persona mester bay Test Center por fabor tene cuenta cu e cambio aki y paga tino riba caminda y sigui direccionnan di e ruta alternativa aki. Tambe lo tin personal di siguridad cerca di Hospital pa duna asistencia.

Ruta nobo pa yega Test Center na Hospital desde 30 december.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options