Rijbewijs cu a vence entre 16 di maart y 30 di december ta valido te cu 31 di december 2020

Dit item is gearchiveerd op 28-11-2020.

ORANJESTAD - Minister di Husticia mr. Andin Bikker ta informa cu ta extende su maneho pa rijbewijs cu a vence of ta bay vence.

E rijbewijsnan concerni lo ta valido te cu 31 di december 2020.

RijbewijsEn conexion cu e COVID-19, na maart 2020,  Minister di Husticia a introduci un maneho temporal pa renobacion di rijbewijs, den cuadro di articulo 9, prome inciso (‘eerste lid’), di e Landsbesluit rij- en keuringsbewijzen (AB 1999 no. 61).

Edificio Bureau Rijbewijzen en RijexamenA base di dicho inciso di ley por renoba un rijbewijs normalmente dentro di un aña cu ela caduca, si e unico motibo ta cu e periodo di validez a expira.

Considerando cu e situacion excepcional relaciona cu COVID-19 ainda ta perdura y a trece retraso inespera den introduccion di un rijbewijs nobo, minister Bikker a dicidi pa prolonga e maneho temporal. E maneho ta encera cu e rijbewijsnan cu un fecha riba cual e a (of lo bay) vence entre 16 di maart y 30 di december 2020, lo considera como un rijbewijs valido pa maneha vehiculo di motor na Aruba te cu 31 di december 2020, pa un of mas categoria menciona den e rijbewijs concerni.

E maneho temporal menciona ta aplicabel pa rijbewijs cu normalmente lo por wordo renoba a base di inciso uno (‘eerste lid’) di e articulo 9 menciona, y pa por maneha vehiculonan na Aruba, no den exterior.

Si e circunstancianan mehora, lo adapta e maneho, observando un periodo di transicion.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options