Riba World Ocean Day FPNA a conclui su concurso di fotografia di naturalesa

ORANJESTAD - Riba 8 di juni ta celebra mundialmente "World Ocean Day". Un dia caminda mester para keto y reconoce e balor di nos lama y nos obligacion pa preserva nos medio ambiente marino.

Ta netamente riba e dia special aki Fundacion Parke Nacional Aruba (FPNA) ta conclui su competencia di fotografia. Minister Ursell Arends y Minister Geoffrey Wever a haci entrega di e premionan.

Exhibicion concurso di fotografia di naturalesa 2021.Un grupo di cinco hurado consistiendo di e ganador di e competencia di aña 2020 Hubert de Cuba, un representante di FPNA y Post Aruba, y dos artista local conoci – Suelyn Dankerlui y Armando Goedgedrag di Artmando Multimedia, hunto a selecta e cinco imagen ganador for di diferente fotografia impresionante.

Ganadornan Categoria Amateur:

  • “Face” of a Flamingo Tongue di Vasco Baselli;
  • Floating in the Current di Tobia de Scisciolo;
  • Cangreu di Hulanda di Michael Arends.

Ganadornan Categoria Professional:

  • The Green Sea Turtle: A Local Favorite di Kanter Constandse; 
  • The Ghost Crab di Nohemy Habibe.

E exposicion di potret ta obtenibel na Post Kantoor, y tambe na Parke Arikok. Den colaboracion cu Postkantoor, e potretnan aki a ser inaugura pa Minister Geoffrey Wever como e serie di stampia nobo di Aruba. Asina tambe ta sigui trece mas atencion riba e tema di cuido di nos lama, nos flora y fauna.

Fundacion Parke Nacional Aruba (FPNA) ta presenta ganadonan di concurso di fotografia di naturalesa 2021.     Fundacion Parke Nacional Aruba (FPNA) ta presenta ganadonan di concurso di fotografia di naturalesa 2021.

Dia Mundial di Oceano 2022

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options