Riba 17 di augustus 2022 lo pone e prome piedra pa Stichting Hunto

Recientemente, Minister di Husticia y Asuntonan Social Rocco Tjon a bishita e sitio caminda ta construyendo e edificio nobo pa loke ta “Stichting Hunto”.

Den e edificio aki lo bay uni e dos instancianan esta; FMAA y SPD, pa asina atende mucho mas miho cu varios retonan den cuadro di salud mental y adiccion. Durante e bishita aki, a haya un bista di con e trabounan ta avansando y asina ta anuncia cu lo pone e prome piedra pa otro siman, den presencia di colega ministernan, parlamentarionan y profesionalnan den e veld.

Den presupuesto 2022 a tene cuenta cu e proyecto aki caminda ta bay poni tur e fondonan hunto, pa di e forma ey por haci mucho mas cu e recursonan limita cu tin. Door di uni e dos instancianan, e ta percura pa brinda henter comunidad un miho servicio, pero tambe e lo percura pa procesonan ta mas miho alinea na otro pa trata cu e temanan di salud mental y adiccion. E tema aki tin e atencion di gobierno caminda a ehecuta e Sociaal Crisis Plan, pa atende cu loke ta e lista di espera di salud mental.