Riba 1 di september Minister di Finansa Xiomara Maduro a entrega Presupuesto 2023 na Parlamento di Aruba

ORANJESTAD - Diahuebs mainta 1 di september, Minister di Finansa y Cultura Sra. Xiomara Maduro tabata na Parlamento di Aruba pa asina entrega Presupuesto 2023 na Presidente di Parlamento Sr. Edgar Vrolijk y Griffier di Parlamento Sr. Herman Hek.

Minister di Finansa y Cultura Sra. Xiomara Maduro ta  entrega Presupuesto 2023 na Presidente di Parlamento Sr. Edgar Vrolijk y Griffier di Parlamento Sr. Herman Hek.E mandatario encarga cu finansa publico a trece dilanti cu ta un dia special como Minister di Finansa cumpli cu e responsabilidad prescirbi den articulo V.12 di nos Constitucion pa entrega Presupuesto 2023 di Pais Aruba na tempo, esta riba 1 di september di e aña previo.

A entrega e presupuesto den forma digital y hard copy na Presidente di Parlamento Sr. Edgar Vrolijk y Griffier di Parlamento  Sr. Herman Hek. Ademas di cumpli cu e deber como mandatario encarga cu finansa, ta duna Parlamento e tempo necesario pa por studia e presupuesto y bay pa su debate. Cu e cambio di aña, Pais Aruba lo por drenta aña 2023 cu su presupuesto na ordo.

Minister Xiomara Maduro ta trece dilanti cu esaki ta un trabao di ekipo pa cual e ta gradici di Departamento di Finansa, Departamento di Legislacion, demas departamento, colega ministernan di Gabinete Wever-Croes II, coordinadornan di presupuesto di cada ministerio, y tur hende cu a contribui pa por logra e dia special aki.

Presupuesto 2023 tin un entrada di 1532 miyon florin, gasto di 1557 miyon florin, un necesidad financiero di 1414 miyon florin y un deficit financiero di 25 miyon florin, cual ta 0.4% di nos GDP.

E mandatario a haci un apelacion na Presidente di Parlamento Sr. Vrolijk pa inicia e proceso di tratamento di Presupuesto 2023.

Minister di Finansa y Cultura Sra. Xiomara Maduro acompaña pa Director di Departamento di Finansa sr. Derrick Werleman y sra. Jo Ann Kock, Hoofd ta entrega Presupuesto 2023 na Parlamento     Minister di Finansa y Cultura Sra. Xiomara Maduro acompaña pa Director di Departamento di Finansa sr. Derrick Werleman y sra. Jo Ann Kock, Hoofd ta entrega Presupuesto 2023 na Presidente di Parlamento Sr. Edgar Vrolijk y Griffier di Parlamento Sr. Herman Hek.     Minister di Finansa y Cultura Sra. Xiomara Maduro acompaña pa Director di Departamento di Finansa sr. Derrick Werleman y sra. Jo Ann Kock, Hoofd ta entrega Presupuesto 2023 na Presidente di Parlamento Sr. Edgar Vrolijk y Griffier di Parlamento Sr. Herman Hek.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options